14:49:42 Дзень незалежнасці. | |
 Дзень незалежнасці 3-га ліпеня святкуется з 1995 года (да гэтага 27 ліпеня). Гэта галоўнае свята беларускай дзяржаўнасці, якое стала і аднім з любімых святаў народа. Ў сярэдзіне лета, а ў гэтым годзе і ў сярэдзіне рабочага тыдню, яно як ніколі чакалася людзьмі. Напярэдані ўлады горада і камунальныя службы пастараліся прывесці цэнтр і вуліцу Савецкую ў святочны погляд: падфарбавалі абшэрпаныя будынкі, павесілі расцяжкі, паклалі новы асфальт. Дарэчы аўтамабілісты могуць зацаніць якасць дарожнага пакрыцця - ад аграпромбанку і да павароту на Леніна а ніводнага паліцэйскага (зразумела ляжачага:), вядома ж гэтая лафа працягнецца нядоўга. Непасрэдна ж ў святочны дзень троху сапсавалася надвор'е, таму людзям, якія прыйшлі па добрай (і не вельмі;) воле на ўрачыстыя мітынгі, прысвечаныя 75 гадавіне збаўлення Беларусі ад фашысцкіх захопнікаў, прыйшлося стаяць пад мелкім, нібыты скрозь сіта, дажджом. З-за таго ж надвор'я верталёт, які прыляцеў аж з Вітэбску, каб пакатаць крупчан ў паднябёссі, амаль ўвесь час прастаяў на прыколе на футбольным поле гімназіі. Знайшлося некалькі аматараў, якія рызыкнулі ўзняцца ў неба ў такі моцны вецер с дажджом і прытом за немалы кошт - 30 рублёў за хвілін 5-10 палёту.  Усяго ж адбылося некалькі аблётаў, каля 5-й гадзіны вечара верталёт узняўся ў неба і узяў курс на поўнач на родны аэрадром. А ў парке апоўдні можна было сугрэцца смачнай салдацкай кашай з паходнай кухні і гарачай духмянай гарбатай, паслухаць ваенны ансамбль, пачаставацца прысмакамі накшталт салодкай ваты і папкорна. Дзеці ж не адыходзілі ад дзьвух велізарных надзіманых горак і батутаў. Увечары адбыўся канцэрт, які падрыхтавалі працаўнікі культуры. Выступалі як аматары, так і прафесіяналы, як дарослыя, так і дзеці, сам-адзін і сумесна. Прыемна, што у нас столькі талентаў. Запамяталіся нумары Сяргея Гуркова,  хлопца з баянам, моцны і прагожы голас дзяўчыны Вікторыі, спеў Маргарыты Еўсевіцкай. Асобна хочацца адмеціць выступленне пары Бандарэнкаў - саксафон і прыгожы жаночы голас - гэта цудоўна. Ну і напрыканцы спелі мэтры Крупскай эстрады - квартэт "Сэрцы чатырох". Ў гэты час на пляцоўцы перад сцэнай з'явіліся прадстаўнікі ўлады Крупак на чале с прэдседацелем райвыканкама Козелам А.С., загучаў гімн нашай краіны, па сцэнары свята гэта была акцыя "Споём гимн вместе". Пасля гэтага быў салют, ў гэты час на бераг Бабра выйшла як заўсёды многа народу. Даволі працяглае і прыгожае было гэта дзейства святла, колеру і гукаў. Некалькі высотных зарадаў ўзарваліся непасрэдна над галовамі радасна свісцячага і крыклівага натоўпу. Слава Богу! абыйшлося без здарэнняў, у адрознянні ад сталіцы, дзе на святочным салюце загінула жанчына ад асколку і некалькі чалавек былі паранены. Як толькі скончыўся салют, народ рынуўся да выхаду з парку і дарэмна - хто застаўся убачыў цікавае фаершоу. | |
|
Mне нравится
+2
| |
| Всего комментариев: 0 | |
